ውዳሴ ማርያም ፡ ዘሐሙስ

ውዳ̣ሴሃ : ለእግዝእትነ : ማርያም : ድን̮ግል : ወላዲተ አም̮ላክ : ዘይት̮ነበ̣ብ : በዕለተ ሐሙስ :

ዕፀ : እን̮ተ ርእ̮የ : ሙሴ : በነደ እሳት : ውስ̮ተ ገዳም : ወአዕጹቂሃ : ኢትውዒ : ትመስ̣ል : ማርያም : ድን̮ግል : ዘእንበለ ርኵ̮ስ : ተሰብ̮አ : እምኔ̣ሃ : ቃለ አብ : ወኢያ̣ው̮ዐያ : እሳተ መለኮቱ : ለድን̮ግል : እም̮ድ̮ኅረ ወለደቶ̣ : ድን̮ግልና̣ሃ : ተረክ̮በ : ወመለኮቱ : ኢተወለ̣ጠ : ኮነ : ወል̮ደ ዕጓለ እመሕያው : አም̮ላክ : ዘበአማን : መጽ̮አ : ወአድ̮ኀነነ̣ : ሰአሊ : ለነ : ቅድ̣ስ̮ት ::

ናዐብ̣የኪ̣ : ኵል̣ነ : ኦ : እግ̮ዝእትነ : ወላዲተ አም̮ላክ : እስ̮መ ሣህ̮ልኪ : ይኩን : ላዕ̮ለ ኵል̣ነ : ትም̮ክሕ̮ተ ኵል̣ነ : ድን̮ግል : ማርያም : ወላዲተ አም̮ላክ : ዘበእን̮ቲአሃ : ተስዕ̮ረ : ዘቀዳሚ : መር̮ገም : እን̮ተ ኀደረት : ዲበ ዘመድነ : በዕል̮ወት : ዘገብ̮ረት : ብእሲት : በል̮ዐት : እም̮ዕፅ : በእን̮ተ ሔዋን : ተዐጽ̮ወ : ኆኅተ ገነ̣ት : ወበእን̮ተ ማርያም : ድን̮ግል : ተር̮ኅወ : ለነ : ዳግመ : ከፈለነ̣ : ንብ̮ላዕ : እም̮ዕፀ ሕይ̮ወት : ዘውእቱ : ሥጋሁ : ለክ̮ርስ̮ቶስ : ወደሙ : ክቡር : በእን̮ተ ፍቅ̮ረ ዚአነ : መጽ̮አ : ወአድ̮ኀነነ̣ : አይ : ልቡ̣ና : ወአይ : ነቢብ : ወአይ : ሰሚዕ : ዘይክ̮ል : አእ̮ምሮ ዝን̮ቱ : ምሥ̮ጢር : መን̮ክራተ : ዘይት̮ነበብ̣ : ላዕ̮ሌሃ : እግ̮ዚአብሔር : መፍ̮ቀሬ ሰብ̮እ : አሐዱ : ውእቱ : ባሕ̮ቲቱ : ቃለ አብ : ዘሀሎ̣ : እም̮ቅድ̮መ ዓለም : በመለኮቱ : እን̮በለ ሙስና̣ : እም̮አሐዱ : አብ : መጽ̮አ : ወተሰብ̮አ : ወል̮ድ : ዋሕድ : እም̮ቅድ̣ስ̮ት : እሙ̣ : እምድ̮ኅረ ወለደቶ̣ : ኢማሰነ : ድን̮ግልና̣ሃ : ወበእን̮ተዝ : ግህደ̣ : ኮነት : ከመ ወላዲተ አም̮ላክ : ይእቲ : ኦ : ዕሙቅ : ብዕ̮ለ ጥበቡ : ለእግ̮ዚአብሔር : ከር̮ሥ : ዘፈት̮ሐ : ላዕ̮ሌሃ : ትለድ : በጻዕ̮ር : ወሕማም : ወኀዘነ ልብ : ወኮነት : ፈል̮ፈለ ሕይ̮ወት : ወወለደት : ዘእን̮በለ ዘር̮ዐ ብእሲ : ዘይስዕር : መር̮ገመ : እም̮ዘመድነ : ወበእን̮ተዝ : ንሰብ̣ሖ : እን̮ዘ ንብ̮ል : ስብ̮ሐት : ለከ : ኦ : መፍ̮ቀሬ ሰብ̮እ : ኄር : ወመድ̮ኀኔ ነፍ̮ሳቲነ : ሰአሊ : ለነ : ቅድ̣ስ̮ት ::

ኦ : ዝ : መን̮ክር : ወዕፁብ : ኃይ̮ለ ከር̮ሣ : ለድን̮ግል : ወላዲተ አም̮ላክ : ዘእን̮በለ ዘር̮ዕ : ስም̮ዐ : ኮነ : መል̮አክ : ዘአስ̮ተር̮አዮ : ለዮሴፍ : እን̮ዘ ይብ̮ል : ከመዝ : እስ̮መ ዘይት̮ወለ̣ድ : እምኔ̣ሃ : እመ̣ን̮ፈስ ቅዱ̣ስ : ቃለ እግ̮ዚአብሔር : ውእቱ : ተሰብ̮አ : ዘእን̮በለ ውላ̣ጤ : ወለደቶ̣ : ማርያም : ምክዕቢተ ዝን̮ቱ : ፍሥ̣ሓ : ወይቤ : ትወል̣ዲ : ወል̮ደ : ወይሰ̣መ̣ይ : ዐማኑኤል : ዘበትር̮ጓሜሁ : እግ̮ዚአብሔር : ምስ̮ሌነ : ወዓዲ : ይሰ̣መ̣ይ : ኢየ̣ሱስሃ : ዘያድኅኖሙ : ለሕዝ̮ቡ : እም̮ኀጢአቶሙ : ያድኅ̮ነነ̣ : በኃይ̮ሉ : ወይሥ̮ረይ : ኀጢአተነ : እስ̮መ ጥዩ̣ቀ : አእ̮መርናሁ : ከመ አም̮ላክ : ውእቱ : ዘኮነ : ሰብ̮አ : ሎቱ̣ : ስብ̮ሐት : እስ̮ከ ለዓለም : ኦ : ዝ : መን̮ክር : ልደተ አም̮ላክ : እማ̣ርያም : እም̮ቅድ̣ስ̮ት : ድን̮ግል : አግ̮መረቶ̣ : ለቃል : ኢቀደሞ : ዘር̮ዕ : ለልደቱ : ወኢአማሰነ : በልደቱ : ድን̮ግልና̣ሃ : እም̮ኀበ አብ : ወፅ̮አ : ቃል : ዘእን̮በለ ድካም : ወእም̮ድን̮ግል : ተወል̮ደ : ዘእን̮በለ ሕማም : ሎቱ̣ : ሰገዱ : ሰብ̮አ ሰገል : አምጽ̮ኡ : ዕጣነ : ከመ አም̮ላክ : ውእቱ : ወር̮ቀ : እስ̮መ ንጉሥ : ውእቱ : ወከር̮ቤ : ዘይት̮ወሀብ : ለሞቱ : ማሕየዊ : በእን̮ቲአነ : ተወክ̮ፈ : በፈቃዱ : አሐዱ : ውእቱ : ባሕ̮ቲቱ : ኄር : ወመፍ̮ቀሬ ሰብ̮እ : ሰአሊ : ለነ : ቅድ̣ስ̮ት ::

ኦ : ዝ : መን̮ክር : ነሥ̮አ : አሐደ : ዐፅ̮መ : እም̮ገቦሁ : ለአዳ̣ም : ወለሐኰ : እምኔ̣ሁ : ብእሲተ : ወኵሎ̣ : ፍጥ̮ረተ ዕጓለ እመሕያው : ተውህ̮በ : እግ̮ዚእ : ቃለ አብ : ተሰብ̮አ : እም̮ቅድ̣ስ̮ት : ድን̮ግል : ወተሰም̮የ : አማኑኤል : ወበእን̮ተዝ : ንስ̮አል : ኀቤሃ : ኵሎ̣ : ጊዜ : ከመ ታስ̮ተሥሪ : በእን̮ቲአነ : ኀበ ፍቁር : ወል̮ዳ : ኄር̮ት : ይእቲ : በኀበ ኵሎ̣ሙ : ቅዱ̣ሳን : ወሊቃነ ጳጳሳት : እስ̮መ አም̮ጽአት : ሎሙ : ዘኪያሁ : ይጸን̣ሑ : ወለነቢያትኒ : አም̮ጽአት : ሎሙ : ለዘበእን̮ቲኣሁ : ተነበ̣ዩ : ወለሐዋርያትኒ : ወለደት : ሎሙ : ዘሰበኩ : በስሙ : ውስ̮ተ ኵሉ̣ : አጽ̮ናፈ ዓለም : ለሰማዕ̮ት : ወለመሃይም̮ናን : ወፅ̮አ : እምኔ̣ሃ : ዘተጋደሉ : በእን̮ቲአሁ : ኢየ̣ሱስ : ክ̮ርስ̮ቶስ : ብዕ̮ለ ጸጋ̣ ጥበቡ :

ዘኢይ̣ትዐወ̣ቅ : ንኅ̮ሥሥ : ዕበየ ሣህ̮ሉ : እስ̮መ መጽ̮አ : ወአድ̮ኀነነ̣ : ሰአሊ : ለነ : ቅድ̣ስ̮ት ::

መሐለ : እግ̮ዚአብሔር : ለዳዊት : በጽድ̮ቅ : ወኢይ̣ኔ̣ስሕ : እስ̮መ እም̮ፍሬ ከር̮ሥከ : አነብ̣ር : ዲበ መን̮በርከ : ወሶበ ተወክ̮ፎ : ውእቱ : ጻድቅ : ከመ እምኔ̣ሁ : ይትወለ̣ድ : ክ̮ርስ̮ቶስ : በሥጋ : ፈቀደ : ይኅ̮ሥሥ : ወይር̮ከብ : ማኅ̮ደሮ : ዘእግ̮ዚአብሔር : ቃል : ወፈጸ̣መ : ዘን̮ተ : በዐቢይ̣ : ትጋህ : ወእምዝ : ጸር̮ሐ : በመን̮ፈስ : ወይቤ : ናሁ : ሰማዕ̮ናሁ : በኤፍ̮ራታ : ወማኅ̮ደሮ : ለአም̮ላከ ያዕቆብ : እን̮ተ ይእቲ : ቤተ ልሔም : ዘኀረያ : ዐማኑኤል : ይት̮ወለድ : ውስ̮ቴታ : በሥጋ : ለመድ̮ኀኒተ ዚአነ : ካዕ̮በ : ይቤላ : ካልእ : እም̮ነቢያት : ወአን̮ቲኒ : ቤተ ልሔም : ምድ̮ረ ኤፍ̮ራታ : ኢት̣ቴሐቲ : እም̮ነገሥ̮ተ ይሁዳ : እስ̮መ እምኔ̣ኪ : ይወፅ̣እ : ንጉሥ : ዘይርዕዮሙ : ለሕዝ̮ብየ : እስ̮ራኤል : ኦ : ዝ : ነገር : ለእሉ̣ : እለ̣ ተነበ̣ዩ : ዘበአሐዱ : መን̮ፈስ : በእን̮ተ ክ̮ርስ̮ቶስ : ሎቱ̣ : ስብ̮ሐት : ምስ̮ለ ኄር : አቡሁ : ወመን̮ፈስ ቅዱ̣ስ : እም̮ይእዜ : ወእስ̮ከ ለዓለም : ሰአሊ : ለነ : ቅድ̣ስ̮ት ::

ዳዊት : ዘነግ̮ሠ : ለእስ̮ራኤል : አመ ይት̮ነ̣ሥኡ : ላዕ̮ሌሁ : ዕልዋን : ፈተወ : ይስ̮ተይ : ማየ : እም̮ዐዘቅተ ቤተ ልሔም : ፍጡነ : ተን̮ሥኡ : መላሕቅ̮ተ ሐራሁ : ወተቃተሉ : በውስ̮ተ ትዕይ̣ን̮ተ ዕልዋን : ወአም̮ጽኡ : ሎቱ̣ : ውእተ : ማየ : ዘፈተወ : ይስ̮ተይ : ወሶበ ርእ̮የ : ውእቱ : ጻድቅ : ከመ አጥ̮ብዑ : ወመጠ̣ዉ : ነፍ̮ሶሙ : ለቀት̮ል : በእን̮ቲአሁ : ከዐወ : ውእተ : ማየ : ወኢሰት̮የ : እምኔ̣ሁ : ወእም̮ዝ : ተኈለ̣ቈ : ሎቱ̣ : ጽድ̮ቅ : እስ̮ከ ለዓለም : አማን : መነ̣ኑ : ሰማዕ̮ት : ጣዕማ : ለዛ : ዓለም : ወከዐዉ : ደሞሙ : በእን̮ተ እግ̮ዚአብሔር : ወተዐገ̣ሡ : ሞተ : መሪረ : በእን̮ተ መን̮ግሥ̮ተ ሰማያት : ተሣሃለነ : በከመ ዕበየ ሣህ̮ልከ : ሰአሊ : ለነ : ቅድ̣ስ̮ት ::

አሐዱ : ዘእም̮ቅድ̣ስ̮ት : ሥላ̣ሴ : ርእዮ : ትሕ̮ትና̣ነ : አጽ̮ነነ : ሰማየ ሰማያት : መጽ̮አ : ወኀደረ : ውስ̮ተ ከር̮ሠ ድን̮ግል : ወኮነ : ሰብ̮አ : ከማነ : ዘእን̮በለ ኀጢአት : ባሕ̮ቲታ : ወተወል̮ደ : በቤተ ልሔም : በከመ ሰበኩ : ነቢያት : አድ̮ኀነነ̣ : ወቤዘወነ̣ : ወረሰ̣የነ̣ : ሕዝ̮በ ዚአሁ : ሰአሊ : ለነ : ቅድ̣ስ̮ት ::