Course & Lessons
Access EOTC courses, read lessons, take quizzes, and generate AI outlines.
Sign in to access all the other grades & choose your plan
You are experiencing our interactive Grade 1 curriculum sample. Register now to choose your family or church subscription plan and unlock all courses, interactive quizzes, exams, and teacher support.
Abinet Timihrt (የአብነት ትምህርት)
ይዌድ̣ስዋ̣ : መላእክ̮ት
ትምህርት ፲፬፦ ይዌድ̣ስዋ̣ ፡ መላእክ̮ት
ይዌድ̣ስዋ̣ : መላእክ̮ት : ለማርያም : በውስ̮ተ ውሳጤ መን̮ጦላዕት
Lesson 14: The Angels Praise Her (Ywedswa Melaekt) — Liturgical Reading & Recitation with Ge'ez Cadence
የግዕዝ ንባብ ስልት መርማሪ (Ge'ez Cadence Inspector)
Active
በማናቸውም ቃል ላይ ማውሱን ሲያሳርፉ የንባብ ዓይነቱን (ተነሽ፣ ሰያፍ፣ ተጣይ፣ ወዳቂ) በቅጽበት ያሳያል! Hover over any word to inspect cadence!
ይዌድ̣ስዋ̣ : መላእክ̮ት
ይዌድ̣ስዋ̣ : መላእክ̮ት : ለማርያም : በውስ̮ተ ውሳጤ መን̮ጦላዕት : ወይብ̮ልዋ̣ : በሐኪ : ማርያም : ሐዳ̣ስዩ : ጣዕዋ : ይቤላ : መል̮አክ : ለማርያም : ተወከፊዮ̣ : ለቃል : ኀቤኪ : ይመጽ̣እ : ወበማሕ̮ፀነ ዚአኪ : የኀድ̣ር : እፎ̣ : ቤተ ነዳይ : ኀደረ : ከመ ምስ̮ኪን : እም̮ሰማያት : ወረደ : ላዕ̮ሌሃ : ፈቲዎ : ሥነ ዚአሃ : ወተወል̮ደ : እምኔ̣ሃ :
ወበሳድስ : ወር̮ኅ : ተፈነ̣ወ : ገብ̮ርኤል : መል̮አክ : እም̮ኀበ እግ̮ዚአብሔር : ኀበ አሐቲ̣ : ሀገር : ዘገሊላ : እን̮ተ ስማ : ናዝ̮ሬት : ኀበ ድን̮ግል : እን̮ተ ተፍኅ̮ረት : ለብእሲ : ዘስሙ : ዮሴፍ : ዘእም̮ቤተ ዳዊት : ወስማ : ለይእቲ : ድን̮ግል : ማርያም : ቦአ : መል̮አክ : ኀቤሃ : ወይቤላ : ተፈሥ̣ሒ : ፍሥ̣ሕ̮ት : ኦ : ምልእ̮ተ ጸጋ̣ : እግ̮ዚአብሔር : ምስ̮ሌኪ : ቡርክ̮ት : አን̮ቲ : እም̮አንስ̮ት : ወርእ̮ያ : ደን̮ገፀት : እም̮ቃሉ : ወሐለ̣የት : ወትቤ : እፎ̣ኑ : ከመ ዝኑ : እን̮ጋ : አም̣ኃ : ይት̮አም̣ኁ :
ወይቤላ : መል̮አክ : ኢትፍ̮ርሂ : ማርያም : እስ̮መ ረከብኪ : ሞገሰ : በኀበ እግ̮ዚአብሔር : ወናሁ : ትፀን̣ሲ : ወትወል̣ዲ : ወል̮ደ : ወትሰም̣ዪዮ̣ : ስሞ : ኢየ̣ሱስ : ውእቱ : ዐቢይ̣ : ወይሰ̣መ̣ይ : ወል̮ደ እግ̮ዚአብሔር : ልዑል : ወይሁቦ : እግ̮ዚአብሔር : አም̮ላክ : መን̮በረ ዳዊት : አቡሁ : ወይነግ̣ሥ : ለቤተ ያዕቆብ : ለዓለም : ወአል̮ቦ : ማኅለቅ̮ት : ለመን̮ግሥ̮ቱ :
ትቤሎ : ማርያም : ለመል̮አክ : እፎ̣ኑ : ይከው̣ነኒ̣ : ዝን̮ቱ : እን̮ዘ ኢየ̣አም̣ር : ብእሴ : እፎኑ : ይከው̣ነኒ :
አውሥ̮ኣ : መል̮አክ : ወይቤላ : መን̮ፈሰ እግ̮ዚአብሔር : ቅዱ̣ስ : ይመጽ̣እ : ላዕ̮ሌኪ : ወኃይ̮ለ ልዑል : ይጼል̣ለኪ̣ : ዘኒ : ይት̮ወለ̣ድ : እምኔ̣ኪ : ቅዱ̣ስ : ውእቱ : ወይሰ̣መ̣ይ : ወል̮ደ እግ̮ዚአብሔር : ልዑል : ወናሁ : ኤል̮ሳቤጥኒ : እን̮ተ እም̮አዝ̮ማድኪ : ይእቲኒ : ፀን̮ሰት : ወረከበት : ወል̮ደ : በልኅ̮ቃቲሃ : ወበርስ̮ዓቲሃ : ወናሁ : ሳድስ : ዝን̮ቱ : ወር̮ኅ : ለእን̮ተ ይብ̮ልዋ̣ : መካ̣ን : እስ̮መ አል̮ቦ : ነገር : ዘይሰ̣ዐኖ : ለእግ̮ዚአብሔር :
ትቤሎ : ማርያም : ለመል̮አክ : ነየ : አመቱ : እግ̮ዚአ ኵሉ̣ : ነየ : አመቱ : ይኩነኒ̣ : በከመ ትቤለኒ̣ :
ይቤላ : መል̮አክ : ሰላም : ለኪ : ይቤላ : ገብ̮ርኤል : ሰላም : ለኪ : ማርያም : ድን̮ግል : ሰላም : ለኪ : ወላዲተ አም̮ላክ : ሰላም : ለኪ : ማርያም : ንጽሕ̮ት : ሰላም : ለኪ : ማርያም : ውድ̣ስ̮ት : ሰላም : ለኪ : ማኅ̮ደረ መለኮት : ሰላም : ለኪ : ደብ̮ተራ : ፍጽ̣ም̮ት : ሰላም : ለኪ : እኅ̮ተ መላእክ̮ት : ሰላም : ለኪ : ወእመ̣ ኵሉ̣ : ሕዝብ : ሰላም : ለኪ : እግ̮ዝእትነ : ማርያም : ሰላም : ለኪ : ሰላማዊት : ሰላም : ለኪ : ቀደ̣ሰኪ̣ : ለማኅ̮ደሩ : ልዑል : ሰላም : ለኪ : አብ̮ደረኪ̣ : ወኀረየኪ̣ : ከመ ትኩኒዮ̣ : ማኅ̮ደሮ :
ሰላም : ለኪ : በአል̮ባሰ ወር̮ቅ : ዑጽፍ̮ት : ወሑብር̮ት : ሰላም : ለኪ : ክነፈ ርግ̮ብ : በብሩር : ዘግቡር : ሰላም : ለኪ : ወገበዋቲሃኒ : በሐመል̮ማለ ወር̮ቅ : ማርያም : ሥር̮ጉት : ሰላም : ለኪ : ኆኅተ ምሥ̮ራቅ : ወእሙ̣ : ለብር̮ሃን : ሰላም : ለኪ : ትበር̣ሂ : እም̮ፀሐይ : ወትት̮ሌዐሊ : እም̮አድ̮ባር : ሰላም : ለኪ : ማርያም : ኅሪት : ወክብር̮ት :
ሰላም : ለኪ : ሰአሊ : ለነ : ኀበ እግ̮ዚእነ : ወመድ̮ኀኒነ : ኢየ̣ሱስ : ክ̮ርስ̮ቶስ : ከመ ያድ̮ኅነነ̣ : አመ ይመጽ̣እ : በስብ̮ሐተ አቡሁ : ምስ̮ለ መላእክ̮ቲሁ : ቅዱ̣ሳን : አመ ያቀው̣ም : አባግዐ : በየማኑ : ወአጣሌ : በጸጋሙ : ያቁመነ̣ : በየማኑ : ምስ̮ለ እስ̮ጢፋኖስ : ሰማዕ̮ት : ወዮሐን̣ስ : መጥ̮ምቅ : ወምስ̮ለ ኵሎ̣ሙ : ቅዱ̣ሳን : ወሰማዕ̮ት : ለዓለመ ዓለም : አሜን ::